Referansar

skulebesøk

Har du hatt besøk av meg? I så fall er du hjarteleg velkommen til å senda ei tilbakemelding til totlanders@gmail.com. Tilbakemeldinga vil bli lagt ut her, og kan også bli brukt som referanse i samband med søknader og den slags.

Ole Ivar Burås Storø i Foreningen !les:

Anders Totland er ein ny og spennande stemme i norsk litteratur. Han skriv poetisk om vanskelege tema og utfordrar lesaren. Foreningen !les har formidla Totland si bok «Engel i snøen» i våre leseaksjonar Tid for ti på 7. trinn (2017) og tXt i ungdomsskulen (2016/17), og motteke gode tilbakemeldingar frå elevar, lærarar og bibliotekarar. Boka fekk i tillegg 102 meldingar av unge lesarar på Uprisen – årets ungdomsbok, noko som er ny rekord i prisens historie.

Ved sida av å skrive gode bøker, er Totland ein svært dyktig formidlar. Foreningen !les har samarbeida med han under lanseringa av Tid for ti på Gloppen bibliotek i januar, og under ein lengre turné i mars 2017, organisert av Fylkesbiblioteket i Sogn og Fjordane. Eit forfattarbesøk med Totland er noko heilt spesielt. Han evner å blande humor og alvor i eit musikalsk og litterært uttrykk, og begeistrar tilhøyrarar i ulike aldersgrupper. Du sit ikkje att uberørt etter eit møte med forfattaren. Eg kan på det sterkaste anbefale å invitere han til klassen, lærarværelset, biblioteket, gamleheimen, bryllupet, utdrikkingslaget, julebordet, firmafesten eller kva det måtte vere. Eg vil faktisk oppfordre deg til å booke han så fort du kan.

Som om ikkje det var nok, så er han og ein triveleg kar. Lett å bli kjend med, alltid i godt humør og med glimt i augo.

Arnfinn Kolerud og Tamara Sortland ved Vagsøy Folkebibliotek:
Vi vil absolutt tilrå eit besøk av Anders Totland. Han engasjerte to 7. klasser med opplesing, pianospel, nyttige skrivetips og artige historier (sanne eller halvsanne). Totland er ein god entertainar, så timen fauk avgarde. Eit godt døme på at ungdomen er opne for anna litteratur enn den som ligg på sals- og utlånstoppen, berre dei får sjansen til å møte han.
Reidun Kydland ved Nynorsksenteret:
Anders Totlands roman «Engel i snøen» er ei stor, lita bok. Hovudpersonen som vi ikkje veit om er jente eller gut, er på sjukehuset og har vore der lenge. Totland skriv godt om vanskelege tema som sjukdom og død. Det er eit stort vemod over boka, men det er også ein roman med vennskap og mykje omsorg og kjærleik. Totland er ein engasjerande formidlar som får god kontakt med tilhøyrarane sine, og som formidlar kvifor det å lese og skrive litteratur er så viktig.
Ellen Rundereim ved Flatraket skule:
Anders Totland traff elevane i 7. klasse svært godt. På humoristisk vis formidla han vakker musikk og tekst om livets alvorlege sider.Han fekk oss til å både le og kjenne på tårene opp til fleire gonger i løpet av ein time. Etter at timen var slutt sa ein av elevane; – Eg har lyst til å bli forfattar!
Britt Kringlen ved Naustdal bibliotek:
Eg har har sjelden sett elevane så rolig å engasjert. Opplegget var kjekt å høyre på, og inspirerte meg til å fortsette å gjere ein god jobb som bibliotekar.
Eli Hjelle Kjøllesdal ved Eid bibliotek:
Formidlinga var levande og engasjerande, og bruken av pianoet sette ein ekstra spiss på det heile.

Are Flaten ved Lom folkebibliotek:

Under googling av Anders Totland oppdaga eg at han tilbyr ei framsyning der han kombinerer høgtlesing av heile boka med pianospeling. (…) No på måndag var Totland bak pianoet på Lom ungdomsskule og hadde framsyning for tiande klasse. Eg var så heldig at eg fekk sitja bak i auditoriet og fylgje med på framsyninga saman med elevane og lærarar. Eg vart imponert både av Totland, og av elevane som sat stille og følgde med utan å lage spetakkel, slik eg hugsar mi ungdomsskuleklasse gjorde ved slike høve.

Erlend og Frode ved Rothaugen skole:

Det var gøy, interessant, lærerikt, morsomt (osv). De begrunner det med at han fortalte historier fra sitt eget liv som forfatter, han hadde mange historier, de fikk vite hvordan det var å være forfatter, og han hadde eksempler som de kunne forstå. Det var også fint at han tok spørsmål. Jeg må legge til at det var en god bok, som passet godt for 8.trinn. For oss var det en god introduksjon til den skjønnlitterære perioden vi går inn i. Det var flott han kom med ulike skrivetips (show dont tell, less is more, kill your darlings etc), eksemplene virket det som elevene forsto. Vi har brukt besøket i oppstarten, og gjør skriveoppgaver som tar utgangspunkt i besøket. Vi er godt fornøyde med besøket!

Siv Rørlien Pettersen og Anne Beate Sunde ved Nysæter ungdomsskule:

Anders Totland trefte midt i blinken med presentasjonen av si siste bok, ungdomsromanen «Engel i snøen». Han reklamerte ikkje berre for si eiga bok, men og for lesing generelt og andre forfattarar. Han var både engasjert, avslappa og humoristisk i møte med elevane, og det var kjekt å høyra på. Det var fint med pianospel innåt lesinga frå boka. Forfattaren tok elevane med inn i teksten og stilte spørsmål som fekk dei til å reflektera kring oppbygging av og innhald i teksten. Elevane fekk fleire gode skrivetips. Det var og interessant å høyra om samarbeidet mellom forlagsredaktør og forfattar i prosessen frå manus til ferdig bok. Anders Totland ga oss ei god oppleving som i tillegg passa godt inn i norskfaget.

Line ved Rothaugen skole:

Elevene likte besøket kjempegodt. De likte at han brukte humor som virkemiddel, men synes også det var veldig spennende for eksempel å høre om hvorfor vi ikke fikk vite kjønnet på jeg-personen i boken. Vi diskuterte lenge hvorfor bøker av menn om gutter selger best. Jeg tror absolutt at et sånt møte fremmer skriveglede hos elevene. De virket mye mer engasjert i boken, og i temaet(roman og novelle) enn jeg tror de ellers hadde vært.

Bjørnar Withbro, biblioteksjef ved Stord folkebibliotek:

Programma var begge gode, og Anders Totland hadde god kontakt med elevane. Boka Engel i snøen høvde godt som grunnlag for eit slikt opplegg. Anders Totland hadde eit godt samarbeid med folkebiblioteket og ansvarleg for Den kulturelle skulesekken på Stord  i forkant av besøket. Eg vonar han kan få nye formidlingsoppdrag  for formidling av bøkene han skriv.